Westwood Farm Resort

Wedding Day

Ceremony

Reception

JEFF and LADY

Hindi ito mala-Star Cinema na pelikula.Wala ring mala-MMK na drama.Walang slo-mo, background music, o pa-fireworks. Simple lang. Ganito na siguro mailalarawan ang kabuuan ng kanilang kwento. Nagsimulang simple at nananatiling simple. 2014 nang unang magtagpo ang kanilang landas sa ABS-CBN Dagupan. Baguhan lang si Lady bilang reporter, habang dalawang taon nang graphics artist noon si Jeff. Unang araw pa lang, nakita na ni Lady kung gaano kakulit at nakakatawa si Jeff. Mukhang tahimik naman si Lady para sa kanya. Dahil maliit lang ang pamilya sa istasyon sa Dagupan, agad napasama si Lady sa barkada ni Jeff. Pero hindi ito ibig sabihin na agad silang nakapagpalagayan ng loob. Sa sobrang pilyo ni Jeff, hindi maiwasang may pagkakataong napipikon sa kanya si Lady. Kaibigan ang turing nila sa isa't isa kaya may pagkakataong tumulong pa siya noon sa panliligaw ni Jeff sa iba. Lingid sa kanila na itinakda na ng mapaglarong tadhana na ito na ang simula ng walang hanggan.

Sa Simula

Alam ng mga nasa larangan nila kung gaano kahaba ang araw ng mga taga-midya. At dahil nasa pareho silang departamento, mas napalapit pa sila at napatunayang "We only break news, not hearts."

Kapamilya

Bukod sa trabaho, isa ang sports sa naging tulay sa kanilang pag-iibigan. (Bukod din sa pagkain, siyempre.) Tuwing hapon, pagkatapos ng TV Patrol North Central Luzon, nagkakayayaan ang mga taga-news na magjogging sa De Venecia Highway. Mahigit lima rin silang tumatakbo noon. Hanggang sa naging apat, tatlo na lang, hanggang sina Jeff at Lady na lang ang napangtawanan ang pag-eehersisyo. Haha Isa sa mga napansin agad ni Lady na katangian ni Jeff ay ang pagiging pursigido. Bagay na ipahahawa niya talaga sa'yo. "Kaya mong tumakbo ng limang kilometro kahit first timer ka.""Kaya mo pang dagdagan." Kaya kinaya rin ni Lady na matapos ang una niyang 42-kilometer marathon, sa paggabay ni Jeff. Pero hindi na nasundan. Hahaha

Hindi lang pampamilya, pang-sports pa!

Likas kay Jeff ang pagkahilig sa aso. Ito ang klase ng pagmamahal na muli niyang ipinaalala kay Lady na noo'y takot nang mag-alagang muli ng aso nang pumanaw ang kanyang pitbull. Ngayon, meron lang naman silang 11 fur babies.

Man's Best Friend

Sky Ranch lang sa Pampanga ang gusto nilang marating noon nang magkasama. Subalit simula noon, iba't ibang lugar na rin ang nalibot nila kasama ang pamilya.

Puso Fare

Sa paglalim ng pagmamahalan, mahalagang kilalanin, irespeto, at mahalin din ang kani-kanilang pamilya.

Family is Forever

Anim na taon na nagdaan. Marami na rin ang nagbago. Nailipat si Lady sa Maynila. Sumubok din si Jeff na sumunod doon pero may ibang plano ang Diyos. Nabiyayaan sila ng napakaraming anak na aso. Ipinasara ang ABS-CBN. Nawala ang Regional Stations. Ito pala ang magiging daan para makapasok na rin si Jeff sa Maynila. Sa ABS-CBN nagsimula ang lahat. Saksi ito sa kwento ng pagkakaibigan na naging pag-iibigan. Setyembre 8, 2020, sa panahon ng pandemya ay naganap ang proposal sa harap mismo ng ABS-CBN na pareho nilang itinuturing na tahanan. Walang script. Walang camera. Pag-aasam lang ng pag-iibigang mas mahaba pa sa Mara Clara at Ang Probinsyano. Samahan niyo kami sa aming bagong kabanata, Kapamilya.

Simula ng walang hanggan

Ang Aming Kwento

Mga Larawan

Wedding Party

Q + A

Gabay sa Biyahe

Magsuot ng face mask. Dalhin ang vaccination card. Makipagsaya! Bagamat nais naming makasama ang lahat sa aming espesyal an araw, mahigpit pa rin ang pagpapatupad ng minimum health protocols kaya limitado lang ang mapauunlakang bisita sa venue. Paki suyong sumunod sa RSVP bago ang itinakdang petsa.

Jefferson & Lady Stephanie

Jefferson & Lady Stephanie

Gabay sa Biyahe