Wanneer mense ons vra hoe ons ontmoet het, het nie ek of Nicole regtig 'n antwoord nie. Dis 'n moeilike vraag, want ons was in dieselfde laerskool en hoërskool, so ons het nog altyd soort van van mekaar geweet alhoewel ons nie veel met mekaar te doen gehad het nie.

Die eerste plek waar ons mekaar bietjie beter leer ken het was op Kruisrivier se skoolverwisselingskamp in 2014. Ek was 'n groepleier, Nicole was een van die graad 7's en toevallig is sy in my groep geplaas. Ek onthou hoe beïndruk ek was met hierdie klein blonde dogtertjie se ongelooflike kompeterende persoonlikheid. Verloor was net nie 'n opsie nie. Van sokker tot Ultimate Frisbee, Nicole het seker gemaak ons groep wen alles, ten alle koste.

Ons het goeie vriende geraak op daardie kamp en ek dink ons altwee kon die potensiaal sien in 'n moontlike verhouding, maar 'n 5 jaar ouderdomsgaping wanneer die ou matriek is en die meisie graad agt was net bietjie te groot op daardie stadium. Ons het wel kontak gehou oor die volgende 5 of 6 jaar en af en toe gaan koffie drink om op te vang. Mense in die binnekring sal weet dat ek elke nou en dan jokingly na Nicole verwys het as my "langtermyn belegging". Min het ek geweet hoe akkuraat dit sou wees...

In Maart 2020, toe Cyril lockdown aankondig, was ons altwee redelik suur om forseer te word om in Ermelo te wees. Veral omdat dit my finale jaar en Nicole se eerste jaar op Universiteit was.

Daardie ontevredenheid het baie gou verdwyn toe ons besef dat ons halfjaarlikse koffiedates nou twee of drie keer 'n week kan begin gebeur.

Die res is so te sê geskiedenis.

Ons het net ge-click. En toe baie gou besef dat 'n 5-jaar ouderdomsgaping skielik baie beter klink as dit 24 en 19 is.

Vandag, 4 jaar later, het ek nog nie een oomblik teruggekyk nie. Nicole is my beste maatjie en ek kan nie wag om op 30 November haar uiteindelik my vrou te noem nie.

RSVP Form

RSVP