Toevallig - sonder dat jy dit verwag.

Dit beskryf ons verhaal - onverwags. ’n Onverwagse oproep uit Potch. ’n Onverwagse koffie-afspraak (wat ’n bietjie langer duur as wat dit moes). ’n Onverwagse vriendskap wat in ’n onverwagse liefdesverhaal ontaard het.

Dié verhaal is egter nie sonder uitdagings nie. 200 km het baie ver gevoel totdat ’n onverwagse trek na Mtunzini die afstand na 723 km verander het. Lang oproepe en vinnige vlugte was aan die orde van die dag.

Die afstand het gesorg vir gereelde wegbreeksessies na die bos, die see en daar waar daar net mooi niks is nie. Ons liefde vir die natuur en die stilte het ons nader aan mekaar gebring. Dis daar tussen niks en nêrens wat ons aan ons drome, avonture en toekoms begin bou het.

Deur baie afstand en kampsessies (vassitsessies) het die toevallige vriendskap tot ’n toevallige liefdesverhouding gegroei. Ons kan nie meer wag om al die avonture en die struikelblokke saam as lewensmaats aan te pak nie.

Wedding Day