Jan-Hendrik en Melanie ontmoet mekaar as skaam Graad 8's en is van die begin af goeie vriende.

Deur hulle Hoërskool jare was dit moeilik om hulle kinderliefde vir mekaar weg te steek, en het mekaar vir ure lank gehelp met Wiskunde net om in mekaar se geselskap te kon wees. Na baie skaam pogings om hulle liefde aan mekaar te verklaar het die 5 jaar soos 'n oogwink verbygevlieg.

Melanie het toe in Potchefstroom gaan studeer en Jan-Hendrik in Pretoria, dus het hulle paaie vir eers geskei, maar die vriendskapsverhouding het elke vakansie net "beter" en "beter" geword. Die afstand was nie eenmaal 'n probleem nie en Jan-Hendrik het soms met behulp van saamrygeleenthede Potchefstroom toe gery en met sy rugsak die hele NWU kampus platgeloop opsoek na Kasteel Dameskoshuis.

Na baie vakansies saam en goeie herinneringe het hulle hul liefde aan mekaar verklaar aan die einde van 2018.

Jan-Hendrik het vir Melanie op die Fanie Botha staproete uitgevra tussen duisende vuurvliegies in die woud. (Die vuurvliegies was nie mee gereel nie).

Na die Fanie Bota staproete was dit vir hulle 'n groot voorreg om mekaar meisie en kêrel te noem. So het hulle gelukkige verhouding saam begin.

'n Langafstand verhouding het seker gemaak dat hulle die beste maak van hul tye saam. Talle naweke en vakansies was saam deurgebring om die verlange te versag.

Na 3 jaar se bou aan 'n onskeibare verhouding het die liefde vir mekaar nie meer net gebod nie maar was ook reg om te blom.

Jan-Hendrik het toe vir Melanie gevra om met hom te trou sodat hulle vanaf die 17de Desember vir die res van hul lewens een kan wees in God se bestemde liefde.